Paru le 31/03/2022 | Broché 124 pages
Public motivé
prifaziu Jacques Thiers
Prima di truvà u so postu ghjustu ed efficace in u campu scentificu generale ma dinù in a pratica di e so utilità sucetale, hà straziatu parechji decennii a sociulinguistica ! Iè, hà straziatu à veru ma oramai pudemu esse rassirinati...
Basta à sgrignà u studiu di Niculau è sentimu cullà un'aria fruttifera assai sia in u campu di e scenze sia ind'è l'azzione, l'atti linguaghjaghji ch'interessanu pedagugia è varie diciture, usuale è cumune o puru assai spezializate o di creazione literarie ed artistiche. Di fatti sinu à stu libru, à i sociulinguisti attenti à a cumplessità di a vita chi un spiritu sticchitu vole sempre spiccà in parechje discipline chjose, li ci hè vulsutu à scumbatte assai cù quellu scentisimu strettu, è spessu si saranu ancu... inzergati !
Invece avale, lighjendu à Sorba, ci hè propiu da rallegra si sequitendu ogni parte di u spostu è e riferenze cumplette da u principiu sinu à oghje. Un inseme serenu, ammaestratu è chjaru, ducumentatu, descrittivu è criticu cumplettu.
U lettore ci trova tutti i periudi è riferenze, cun analisi è ramenti precisi di i varii lochi è paesi duv'ella si hè scritta è rifinita a sociulinguistica, à livellu universale è po dinù in Corsica, bella sicura.
Ghjacumu Thiers (strattu da u prifaziu)
Niculau Sorba hè insignanti circadori, Maestru di cunfarenzi à l'Università di Corsica è membra di l'UMR CNRS 6240 USA. Suciolinguistu, hè spicialistu di i dinamichi linguistichi, è di modu più pricisu, di i prucessa nurmativi è di standardizazioni.
