Ar vuhez gwechall e Meneham

E 2015 e vo deg vloaz ma oa bet kroget gand al labouriou renevezi e kêriadenn Meneham, Kerlouan, e Bro-Leon. Adaleg ar XVII^ved kantved, e oa bet tud o chom eno : maltouterien da genta, ha war-lerh, famillou peizanted-bezinêrien. Pa oa bet dilezet ar gêriadenn tamm-ha-tamm en XX^ved kantved, e oa kouezet an tiez en o foull : med derhel soñj o-deus greet ar re a oa bet ganet eno, ha bremañ e hell an dud gweled an tiez mein heñvel diouz pez 'oant gwechall.

Eul leh-gweladenni, eul leh-degemer eo Meneham hizio, hag evid enori ar plas e-neus Goulc'han Kervella savet an heuliad peziou-c'hoari bihan-mañ, anezo peb a desteni deuz ar vuhez gwechall er Hard, ano all ar gêriadenn : labouriou, festou, poaniou, joaiou hag ail.