Paru le 15/12/1999 | Broché 152 pages
Que coneishoi a Arantxa per escunce, com se la vita e m'avè volut balhar ua mustra de la soa futilitat: per escunce.
Per escunce. Purmèrament, per'mor la mia mestresa d'occitan que la volí consacrar a la sintaxi deu roman de Joan Bodon qui aimavi - e qui aimi enqüèra - lo mei: La Santa Estela del Centenari; qu'ac aví cavilhat au cap, e s'un men condisciple de l'Universitat de Tolosa, Alexandre, n'avosse pas cossirat per Pau per'mor qu'i vienè véder ua gojata - dab la quau las soas amors non durèn mei d'un mes, d'alhors -, qu'averí escrivut un memòri de mestresa sus aquera òbra màger deu noste escrivan màger...
Eric Gonzalès, vadut a Pau en 1964. Qu'escriu de 1991 ençà novèlas, publicadas per la màger part hens la revista Reclams, on afirma de mei en mei la soa predileccion tau genre onirico-fantastic. Escrivut L'Òrra istuèra d'un hilh de Gelòs (Atots) en 1996, Lo Melic de Silvia Chasaus en 1998 (Crimis).