Collection(s) : Roll-diroll
Paru le 16/09/2009 | Broché 218 pages
Eur vrennigenn staget ouz he roh : setu penaoz ema Fañch An Dorner, paotr yaouank (32 vloaz) o chom e ti e dud. Ken ne ouzont ket penaoz kas anezañ diwar-dro. Eur penn brao a zen eo hennez, med siwaz, kement studi bet boulhet gantañ a zo manet diechu, ha n'ema ket tost da hounid an disterra gwenneg... Poent kas ar vrennigenn da bega war eur roh ail, da bell vro. N'eo ket tik Fañch gand an ide, med pa wel Izabel, plah an ajañs-veaji, ne zoñj ket pelloh ha mond a ra d'he heul da Gabrita, eun enezenn dizalh er meurvor Atlantel.
War an enezenn e c'hoarvezo a beb seurt... Estreged givri a vez kavet eno... Gouzoud a ouieh e oa eun enezenn geltieg, Cabrita ? Peadra da wellaad an ekonomiez, erfin, klask ober... !
N'ema ket Jean-Christophe Bozec diwar e leor kenta e ti Emgleo Breiz : gantañ 'oa betskrivet Seks-ha-Fars e 2007. Kelenner war an istor deuz e vicher, war e levé ema bremañ, ha Iakaad a ra e skiant-prenet da zikour e fent, evid brasa plijadur al lennerien.
