Austina

In principiu di l'anni sessanta, dopu à una spedizione in e muntagne di u Pacchistanu. seguitendu a so strada in cerca di pace spirituale, u duttore Princivalle ghjunghje nantu à l'alte pianure di u Tanganyika. Una misteriosa epidemia tocca e zitellette d'una pensione per urfanelle. prima di sparghje si à traversu i rughjoni di u lagu Victoria. In l'isteria è a scimizia di l'omi, l'evenimenti si precipiteghjanu senza ch'ellu poschi affruntà li cù a so sola ragione è u so surrisu inalterevule. Per onurà una vechja prumessa, si ne volta in Corsica à installà si in a pieve di u Campuloru. Ci scontra tandu à Austina Nessa è à Vitale Cortina, duie anime ferite ch'ellu hà da accumpagnà nantu à u filu tenneru è infaustu ch'ella l'hà tesu a vita. Si strughje l'innucenza di a so giuventù in un cuttidianu digià troppu à u strettu. inguantata da e stracciature di quella guerra da l'altra parte di u Mediterraniu è da l'onda di schjoccu di a catastrofa aerea di u monte Renosu.

Storia d'amore emuziunante in u tumultu di a brama, di a paura, di l'abissi, ma ancu in a forza di l'esaltazione, di l'ostinazione è di a stravaganza. I persunagi di stu rumanzu. addisperati quant'è gioiosi, si ramentanu d'una fiaccula di lume intravista da zitelli. È per pruvà d'accimà la torna, ùn fussi chè per un cortu mumentu. s'inciutteranu in a fanghiniccia di l'esistenza.

Eri cum'è oghje, noi cum'è elli...