Beaj Sant Brendan

Savet eo bet ar "vuhez"-mañ diwar skridou koz ar Vretoned a lakae o foan hag o flijadur, daou-hant vloaz'zo, da zevel buheziou pe avanturiou a veze lennet goude e korn ar hogn pe c'hoariet a-glev d'an oll pa deue an amzer domm en-dro. N'eo ket ar skrid-mañ neuze nag eur varzoneg hir, nag eur skrid relijiel.

Eun istor brao eo kentoh, a vo kavet ennañ troiou-kaer eun dornad Gourenerien an Aotrou Doue bet o klouedad ar mor da heul Brendan. Eun den zantel e oa hennez ? A-raog pep tra, eun den a galon, eur merdead heb e bar hag ivez eun den "kig-ha-gwad" disheñvel-mad diouz ar zent a gaved gwechall el leoriou a "zevosion".

Med, peoh pelloh, selaouit... Eur wech e oa...