Serie : Comba granda. Vol 2
Collection(s) : Paratge
Paru le 01/02/2005 | Broché 261 pages
Aquò's lo nom d'una bòria de montanha mejana del Segalar albigés. «Un lòc, un fogal qu'ai somiat e bastit sus un campèstre vertadièr» çò disiá l'autor a la fin de la primièra part, publicada en 1987, Prèmi Pau Froment, e un dels títols màgers de la pròsa nòstra.
«Los lòcs e los personatges son plan de mon sosc ; i n'a pas un qu'aja agut carn e òsses realament. Çò qu'ai volgut, amb l'idéa de parlar verai d'un païs e d'un temps, es de remembrar çò qu'ai ausit de la boca dels aujòls qu'eles bò-z avián vist e viscut.» Los legeires i se son pas enganats !
Roman plan capitat mas tanben testimoniage social e uman, tresaur linguistic viu, Comba Granda I anava de la guèrra de Setanta a la mobilizacion de Quatorze. Amb las meteissas qualitats, Comba Granda II accompanha la meteissa familha de pageses fins a 1939, dins los cambis e los dramas d'un temps novèl.
Leopòld Durand, nasquèt en 1911 al Fraisse, un vilatge del Segalar d'Albigés. Après l'escòla primària butèt los estudis qualques ans a l'Escòla Superiora d'Albi. Puèi tornèt sus la bòria pairala d'Asson. Es amb la retirada que se metèt a escriure e que l'enveja li venguèt de se servir per aquò far de l'occitan qu'aviá totjorn ausit al torn d'el. Pel nòstre pus grand plaser.