Contes mai qu'a meitat vertadiers

Nascut lo 2 de Fèbrièr 1923 a là bòria del Toron, dins la comuna de Sant-Sernin, coneissiá pas que la lenga d'Oc quand dintrèt a l'escòla per Pascas de 1929. Quò l'empachèt pas d'arribar a l'Escòla Normala d'Orlhac en octòbre 1939. Dempuèi que son paire èra mòrt anava ajudar l'estiu a la borià dels sius oncles : la Prat da Sorniac, La Bòria de Sant-Sernin, Estanh da Marmanhac...
Lo trabalh de mèstre descòla li fará far lo torn del Cantal e entendre la lenga occitana dins sa diversitat e sa riquesa a Mossajas, Valèta, Santa-Anastàsia, Lavàstria, Aleusa.
Entre temps, en julhet 1943, partiguèt pels « chantiers de joinessa », puèi refractari, demorèt coma obrièr agricòla al Prat da Sorniac.
Son darrièr pòsta, al Roget, l-i demorèt mai de vint ans. Retirat, pòt agara se consacrar mai a la recèrca suls textes vièlhs de l'Atge-Mejan e a la defensa de la lenga d'Oc. Dempuèi 1983 presidís la cession cantalesa de l'I.E.O. Entamena aicí un trabalh de publicacion que promés d'èstre tan fruchòs que diversificat