E peoc'h an nevez-hañv

Nevez-hañv, marteze. Met tamm peoc'h ebet. Un danevell polis en un endro sioul war ar maez na vefe ket soñjet e c'hellfe traoù ken kriz c'hoarvezout ennañ. Karantez ? An Ankou an hini a drec'h.

Un endro disheñvel a-grenn d'an danevelloù all. Nevez-amzer ? Piv 'oar ? N'eus na gwez na bleunioù d'hen diskouez. Ar mor an hini a ren ar c'hoari - ur c'hoari a gaso ur c'horf, bet ar c'hranked war e dro, da echuiñ war an aod e Kankaven.

An danevell diwezhañ, bepred karantez ha kasoni. Ul lazh, un emlazh. Met an darvoudoù a zegas frealz d'an hini a oar. Ar c'haredig lazhet a advevo e kof an hini manet war e lerc'h hag a zibab chom bev ken evit, en ur mod, reiñ dezhañ ar vuhez en-dro.