L'héritage des Ch'tis

El Comte d'Armeurchy, Adalbert d'Angréault, i'est mort. A ch' t'heure, in va savoir chu qu'y a su s' testamint ... Lechifflard, el secrétaire ed'mairie, i voudrot bin hériter d'sin catiau, mais ch'est final'mint Zélie, l'tchiote nièce du comte et l'comarate à Biloute, qu'alle s'installe dans chés viux murs. In l'assistant à interrer eune buse dins l'cour du catiau, Biloute i'artrouve un vieux caveau qui armonte au Moyen-âche : ch'est l'ceux d'un rataïon à Zélie. A partir ed'là, des drôles ed'leumières s'mettent à dinser dins l'cour par nuit, in intind comme des coeups d'martiau dins chés murs. Et pis avec cha, Biloute i'est d'pus in pus rinfrogné, in n'l'arconnot pus, i'est tout incrinqué... Ch'est-y l'catiau qui est maudit ? Ou bin l'fantôme du rataïon qui est in foufielle ? Un rute mystère in tout cas pou' Biloute et s'n'équipe.