Fintantu chi l'erba crescera...

In l'America oghjinca, u futugrafu Dwayne Mitchell, i so cumpagni Gerry Robert è u duttore Ashley-Cooper, a figliola Debra, l'operai chì stendenu e chjudende di filu di ferru spinatu à mezu à a pianura, Jack Harlan l'infermu. l'Indianu George Hudson Bell è a sposa Ethepate, cercanu d'accimà i so sogni : di grandezza è di nubiltà per certi, semplici o mischini per l'altri. Ognunu campa à modu soiu, secondu e so certezze è illusioni è e ferite ricevute da a vita : quella d'esse « stroppiu », quella d'esse « un negracciu d'Indianu », quella di ùn avè pussutu gudè di a ricunniscenza di l'artistu, quella di ùn esse nunda di bè, d'esse debule, vigliaccu, ignurante...

U tempu si stinza è pianu pianu nasce l'addisperu. È di l'addisperu a viulenza, bruttale è subitania, cum'è u focu chì piccia in a sicchia di l'immensa pratulina.

L'amore solu pò forse parà stu focu. L'accettazione di sè stessu per pudè andà al di là, dinù.

A strada serà luminosa per quellu, arditu, chi ne ferà a scelta ma fermerà pessima per a maiò parte è ne serà cusì fintantu chì l'erba crescerà è ch'elli faleranu i frumi...