Gastone. Vol. 10

U cunniscite tutti à Gastone dettu Lagaffe ? U chjàmanu cusì perch'ellu ùn face chè scumpienti. Iè chì u cunniscite...

E so storie l'avete lette essendu zitelli è po l'avete lette dinò essendu una persona maiò, è un ci hè dà piattala.

Seria un bravu ghjuvanottone Gastone, pienu d'imaginazione è di bona vuluntà. Cerca à rende servizii inventendu e fìsiche per fà chì a so inturnianza aghja una vita più fàciule è menu faticosa. Hè bravu ma hè scuntrafattu è tuttu li va in caterochju, ciò ch'ellu tocca si sciappa o si ne va in bruma.

Ciò ch'ellu inventa perchi l'affari vàrganu bè, va di male. Iè hè sgalabbatu, ma dinò ùn hà tantu furtuna è e so burle ùn fàcenu ride chè à ellu.

U truverete cuì in stu librettu chì hè statu publicatu dà un editore brittone è averete a surpresa di leghje ciò ch'ellu dice in Corsu, cum'ellu l'hà digià dettu in Brittone è altre lingue. Perchè ellu hè sgualtru di cerbellu è ùn stà tantu à amparà.

Un truverete cù i so sòliti cumpagni è altri chì pàrlanu Corsu cume ellu. E po truverete ancu à Ma'mcella Ghjuvanna chì hè scema persa per Gastone.