Kaulu mshindji

Emandzishi yah'eshiyo shinu yanipvenushia wakati ikao tsika hudjiuzisa masuäla mendji yahusu entsi yahatru. Ngamina mba-muda rangu nilio pvondze, sha zefikira zahangu pia zitsobaki homasiwani. Inu nd'emana ikao leshaîri lahandani tsilipara kinyume. Kinyume ha ukaya zendrongo ngazidjao na hubadiliha ha mbapvi ha mbapvi. Fikira zindji zika zinidjilia hoitswani hata zinilazimisha nizitowe. Ika muhimu kowamidjuu nionese emahaba yahangu n'entsi yahangu Komori, niswifu oulanga warizingiza, n'ebahari, na n'owanadamu n'ezendrongo ndjema pia rilo n'izo. Oushababi nguwo harumwa mzingiridji h'ezetaâbu zilio zahusu zehazi n'emaendeleo n'omsomo...