L'irissi

Chopin notturnu 20. Un dopu mezziornu à u terzu pianu di Turrichja scrivìu ascultendu à Chopin. I primi chjocca di u notturnu vinti m'avìani datu a carri ghjaddinina è quandu u pianò ingusciatu ribumbèti m'eru missu à pienghja. Com'e in un sonniu scitatu mi vissi suitendu a cascia di mamma chì passàia sutt' à casa di i Trani. Eru fallatu à dìddila abbracciendùmila è mamma m'avìa rispostu com'e sempri o fiddò quand'hè l'ora !

« Mammuchja, in i viola di a noscia bistrasciera mi dicìi sempri di circà risposta in a natura ! »