Las moscas

Au long de las soas novelas, Joan Loís Lavit que'ns hè caminar suus sendèrs de l'aventura, que sia futurista, d'anticipacion o ligada a la vita deu monde de la montanha.

Violéncia e esvarge qu'i costejan gaujors e paurs deu temps de mainat, civilizacion pastorau o chepics amorós, amuishant la diversitat de la soa escritura.

Un flòc de totas las colors de l'imaginari.

J. L. Lavit (1959), lavedanés de la montanha pirenenca, qu'a es- crivut e publicat romans, novelas e pèças de teatre despuish un vintenat d'annadas. Qu'ei atau vadut ua de las caras de l'escritura occitana contemporanèa en Gasconha.