Paru le 04/03/2011 | Broché 115 pages
Moueziou Merhed
Moueziou, ha merhed. Eur benveg eo e vouez evid mab-den. Eur benveg-stourm, eur benveg-seni hag eur benveg-deski. Pegeit zo e klever mouez ar merhed e gwirionez ? Evito eo chomet mud ar benveg-ze e-pad pell. En dastumad berr-mañ e vo kavet bommou merhed deuz an XIXved hag an XXved kantved dreistoll, mareou a-bouez evid o gwiriou hag o emrenerez. Daoust hag-eñ eo bet eet ar re-ze war-raog ken buan hag ar bed tro-dro dezo avad ?
N'eo ket koz klichedou med geriou, hag an dud o-deus distaget anezo, a ginniger ober anaoudegez ganto amañ. A beb seurt kaoz zo, pelloh eged an tachadou a vezer o hedal ar merhed aliez. N'eus tu ebed deuz ar gevredigez a vefe bet kavet re vunut pe re veur da veza kemeret e kont. Deuit eta d'ober eur pennad bale gand ar merhed-mañ, ha klevit o moueziou o tassoni gand ho hini.
