Mowgli la granhota

Los "Jungle Books" de Rudyard Kipling son una de las jòlas de la literatura mondiala, coma ne son, dins d'autres genres, lo "Prinçòt" d'A. Saint-Exupéry o lo "Canhàs deus Baskerville" de'N Conan Doyle.

Qual ne coneis pas las aventuras de Mowgli - aquela "granhòta" d'òme -, de la pantèra Bagheera, de l'ors Baloo e del colhonet de tigre, Shera Khan ?

Joan lo Boscassièr, nascut a Severac-lo-Castèl en 1911, obtenguèt en 1983 lo grand prémi Josèp Salvat per sa revirada - faita dirèctament de l'anglés - dels racontes de Mowgli «dins un occitan roergàs qualitadós e granat qu'es un plaser de legir una tan bona lenga».

Dins l'edicion de uèi i cap la revirada occitana e mai lo tèxte original anglés de'N Rudyard Kipling. Aital poiran descobrir los anglòparlants, la lenga d'òc e los occitans, jovents e vièlhs, aver lo gaug de legir, en lor lenga, aquel capd'òbra.