Une oraison de nostre dame

Une Oroison de nostre Dame

Manuscrit Londres, British Library, Harley 4431

Dame, de qui l'umain lignage
Ne se peut en ce monde ombrage
Passer, ce dit Cassiodore,
Leur patronne, leur nef, leur barge
Qui le conduit a droit rivage
Ou temps passé et ou temps d'ore,
Et pour d'Alebreth le bon Charles
Te suppli qu'a ton doulx filz parles
Et pour tout le bon sanc royal,
Soient ou femmelles ou masles,
Deffens des peines infernales
Et qui l'aime de cuer loyal.
Ave Maria.